Nunani tamalaani ilisimatusartut suleqatigiit Asiaq - Greenland Survey-imit peqataaffigineqarlutik suliniummik aqqutissiuisumik aallartitseqqammerput, Kalaallit Nunaata Sermersuanit sermip aannerata imaanut kuuttup qanoq annertutigineranik periaaseq nutaaq atorlugu uuttortaasussamik. Ilisimatusartunit sermersuup ataani sermip aattup qanoq annertutiginerata seismisk teknologi atorlugu paasineqarsinnaanersoq misilittarniarpaat.
Ilisimatusartut ilaatigut Asiameersut GRuMPS-imik suliniummut atatillugu Kalaallit Nunaanni kuup eqqaani seismiskimik malugniutinik piffissallu ingerlanerani assiliissutinik ikkussuipput. Atortorissaarutit sermip aanneranit sajunneeqqat uuttortarsinnaaneraat misilittarneqassaaq – pisaaseq sermip kuunneranik, aamma sikup ataani, nakkutilliinermut kingusinnerusukkut atorneqartussaq. Seismiskimik maluginiutinut ilanngullugit piffissap ingerlanerani assiliissutit kuuit takuneqarsinnaasumik ineriartornerannik uppernarsaasussat ikkusuunneqarput.
– Erngup sumut killissimaneranik uuttortaatit nalinginnaasut atorlugit kuunneranik uuttortaasinnaanngilagut. Ilisimatuussutsikkut suliniummi matumani taamaammat seismiskimik maluginiutit atorlugit misliissaagut, taakku sikup ataani erngup ingerlaarneranik ’tusarnaarsinnaassallutik’. Sikut ataanni erngup kuunneranit sajunneeqqat uuttortarnerisisut sikup aannera qanoq pissuseqartarneranik paasisaqarsinnaanissarput neriuutigaarput – sikup ataani sikup aannera aamma qanoq annertutiginersoq,” Asiami erngup nunarsuarmi qanoq pissusilersortarneranik ilisimasalik Dorthe Petersen oqauttuarpoq.
Nangipporlu
– Atortut sumiiffinni erngup sumut killinneranik uuttortaatinik nalinginnaasunik atuiffigineqarsinnaasut siullermik ikkussuiffigisavavut. Seismologiskimik uuttortaassutit nutaat misilerarniarlugit inernerusullu assersuussinnaajumallugit taamaaliussaagut, paasiniarlugu pisaaseq nutaaq una qanoq pitsaatiginersoq.
Suliniut atserneqarsimavoq GRuMPS – Greenland Runoff Monitoring from Passive Seismology Tuluillu Nunaanni Advanced Research and Invention Agency’s ‘Forecasting Tipping Points’-program aqqutigalugu aningaasalersorneqarluni.
– Silaannaap allanngoriartornera pissutigalugu sermeqarfinni allanngoriartornerit nunarsuami ukkatarineqarput. Susoqarneranilli nakkutilliilluarnerussagutta sermimit kuuttoqa takusinnaasarput kisiat ilisimasaqarfiginagu takuneqarsinnaanngitsumik sikup ataanit imaanut toqqaannartumik kuuttoqarneranik paasisimasaqarnerulertariaqarpugut. Ilisimatuussutsikkut suliniut una taamaammat pingaaruteqarpoq, Asiami pisortaq Mette Skarregaard Pedersen erseqqissaavoq.
Om Asiaq
