Deloitte-mit misissuineq ingerlanneqartoq aallaavigalugu paasineqarpoq Asiaq-ip paasissutissat silaannaap pissusaanut imernullu tunngasut tamanut akeqanngitsumik pissarsiarineqarsinnaalersippagut, ukiut tallimat qaangiuppata 12 million kronit tungaannut iluanaarutaasinnaasut. Taamaattoqassappalli aningaasaliisoqartariaqarpoq.
Asiaq – Misissueqqaarneq –mi silaannaap pissusaanut imernullu paasissutissat tunngassusillit pigineqarput, taakkualu Kalaallit Nunaata minguinnerusumik ingerlatsilernissaanut aammalu ilaatigut erngup nukinganik siunissami aningaasaliinissamut iluaqutaasinnaapput.
Deloitte-ip misissuinera aallaavigalugu Asiaq-mit paasissutissat silaannaap pissusaanut imernullu tunngasut inuiaqatigiinnut akeqanngitsumik pissarsiarineqarsinnalerpata atorneqarsinnaalerpatalu inuiaqatigiinni aningaasaqarnikkut iluaqutaassasoq nalilerneqarpoq. Misissuinermi paasineqarpoq ukiuni tallimani tulliuttuni iluanaarut aningaasanngorlugu 12 millioner kronit missaanniissasoq – piffissarlu ungasinnerusoq isigalugu ukiumut 10 millioner kroninngussasoq.
Paasissutissat silaannaap pissusaanut imernullu tunngassusillit aalajangiisartunut, namminersortunut, ilisimatusartunut, ilinniarfinnut inuiaqatigiinnullu pingaaruteqarput. Paasissutissat akeqanngitsumik Asiaq-mit tunniunneqarpata, taava Kalaallit Nunaanni minguinnerusumik ingerlatsisinnaalernermut iluaqutaassaaq silaannaap pissusaata allanngoriartornera ilisimaneqarnerulissalluni.
Periarfissarli tamanna atorneqassappat aningaasaliisoqartariaqarpoq. Paasissutissanik suliareqqiineq pitsaassutsinillu qulakkeerinninneq, ingammik paasissutissat nutaannginnerit pillugit – aningaasaliisoqaqqittariaqarpoq. Aningaasaliineq aningaasanut inatsit imaluunniit aningaasaateqarfiit avataaneersut ass. EU-mit aningaasaliissutit aallaavigalugit pisinnaavoq. Paasissutissanik siammarterinissamut saqqummiinissamullu aningaasanik pisariaqartitsisoqarpoq, taamaalilluni atuisut paasissutissanik eqqortunik suliniummut aalajangersimasumut pisariaqartinneqartunik pissarsinissaat qulakkeerneqarsinnaalissaaq.
Asiaq-ip paasissutissaataat suliareqqinneqarpata tunniunneqarlutillu, taava nunat tamalaat akornanni pisortaqarfiit akornanni pissuserineqartoq maliinnarneqassaaq, ukiuni qulikkaani kingullerni paasissutissat tamanut saqqummiussorneqarput. Tunngavissaq ersarippoq: Paasissutissat inuit aningaasaataat atorlugit katersorneqarsimappata, taava inuiaqatigiit tamakkiisumik iluaqutigisariaqarpaat.
Nunani allani misilittakkat takutippaat paasissutissat akeqanngitsumik pissarsiariuminarsarneqarsimatillugit, inuiaqatigiinni aningaasaqarnermut tamanna iluaqutaasartoq, taamaalilluni tamanut saqqummiiniarnermi aningaasartuutit sipporlugit iluanaartoqartarluni. Silaannaap pisussaanut imermullu paasissutissat attuumassusillit tunniunneqarnissaannut siammarterneqarnissaannullu pingaarnersiuinermi, Kalaallit Nunaat piujuartitsinerusumik tunngaveqarluni silaannarmullu mianerinninnerullu ingerlariuseqarsinnaaneranut alloriarneq pingaarutilik tiguneqassaaq – paasissutissanillu tunniussineq aningaasaqarnikkut inuiaqatigiinnilu iluanaarutigineqarsinnaasut annertuut periarfissaalissapput.
Asiaq pillugu
