PROMICE

PROMICE

PROMICE (Programme for Monitoring of the Greenland Ice Sheet) tassaavoq ilisimatusarnermik suliniut 2007-imi aallartitaq. Suliniummut siunertaq tassaavoq Kalaallit Nunaanni Sermersuup killinga atuarlugu aakkiartornerup nakkutiginissaa, taamaalillunilu Kalaallit Nunaanni Sermersuup oqimaassusiata oqimaaqatigiinneranik nalilersuiuarnermut ilapittuuteqarnissaq. Suliniutip aamma sumiiffikkaani sermit iigartartut sermersuaqarfiillu siammarsimaneranni allannguutinik nalunaarsuinissamik siunertaqarpoq, kiisalu Kalaallit Nunaanni Sermersuup killingata tunuariartarneranik sassariartorneranillu nalunaarsuinissaq.

Suliniumut tunngavigisaq tassaavoq ukiuni makkunani Kalaallit Nunaanni Sermersuup oqimaassusianik annertuumik katatsisoqarnera. Aakkiartorneq nunarsuarmi immap annertussusaanik aammalu silap pissusaata ingerlaarneranik sunniuteqarfeqarsinnaassasoq naatsorsuutigineqarpoq. Issittumi immikkoortoq tamarmiusoq nunarsuup sinneranut naleqqiullugu sukkanerusumik kissakkiartorfiuvoq, suliniullu allannguutinik tamakkuninnga nakkutilliinermut ilapittuuteqassaaq. Taamaalilluni silap pissusaani allannguutaasutut pisunik, aammalu siunissami sunik sunniutaasinnaasunik naatsorsuuteqarnissamut pitsaanerusumik paasinninnissamut suliniut paasissutissanik pisariaqartunik pingaarutilinnik tunniussivoq.

PROMICE, Klima-, Energi- og Bygningsministereqarfimmit, www.kemin.dk, aningaasaliiffigineqartoq makku akornanni suleqatigiinnikkut ingerlassaavoq:

-          De Nationale Geologiske Undersøgelser for Danmark og Grønland (GEUS)

-          DTU Space

-          Asiaq, Greenland Survey

Sermersuup oqimaassusaata oqimaaqatigiinnera uuttortaasarfinnit sermimi inissitanit paasissutissat ikiorsiullugit nakkutigineqarpoq, kiisalu timmisartunit qaammataasanillu sermip qaavanit paasissutissat katersukkat ikiorsiullugit, sermip ingerlaartarneranik sermillu qaani aakkiartornermik takussutissaliornerit ilanngussorlugit. Suliniut pillugu uani paasiniaasinnaavutit: Promice.dk.

Asiaq ilaatigut sumiiffiit Sermersuarmit pilersuiffiusut kuuffiginerisa uuttortarnerinik, kiisalu toqqorsivimmit paasissutissanik ilapittuuteqarpoq.