Paasissutissaatit aamma toqqorsivik

Paasissutissaatit aamma toqqorsivik

Inatsisartut peqqussutaat nr. 18 naapertorlugu Kalaallit Nunaannit tamarmit timitalittut avatangiiseq pillugu sulianit paasissutissanik Asiaq katersuillunilu, nalunaarsuillunilu paasissutissiisassaaq. Timitalittut avatangiisit tassaapput Kalaallit Nunaanni pinngortitaq uumassuseqartuunngitsoq, kiisalu pinngortitatsinni sanaartukkat allatullu inuit pilersitaatut suliarisimasaat. 

Sanaartugassatut suliassat nutaat pillugit isumaliuteqarnernut atatillugu misissueqqaaraluni paasissutissarsiornerit assorsuaq aningaasartorfiusinnaasarput. Taamaattumik misissueqqaarnermi paasissutissat pioreersut toqqorsivimmi ingerlalluartitami toqqortarinissaat pingaartuupput, taamaalillutik soqutigisaqaqatigiinnit nutaanit paasissutissat pisariunngitsumik atoqqinneqarsinnaassallutik. 
Asiaq paasissutissaqarfinnik qitiusunik pingasunik peqarpoq:  

Nunap assinginut paasissutissat:: 

Asiap Kalaallit Nunaanni nunap assinginut naalagaaffigisami qarasaasiatigut paasissutissanik toqqortat aammalu pappialanik tunngaveqartumik toqqorsivik aserfallatsaaliugaralugillu paasissutissiissutigisarpai. Kalaallit Nunaannit aammalu nunanit tamalaani pissarsiaqarniartut Asiamut saaffiginnissinnaapput inniminniillutillu. Ataqatigiissaarisoq: Bo Naamansen

Hydrologiimut aamma silap pissusaanut paasissutissat:  

Qarasaasiami paasissutissanik toqqorsivik taanna Kalaallit Nunaanni imermik isumalluutinik paasissutissarpassuarnik aamma misissukkanik nalunaarutinik imaqarpoq. Qarasaasiami paasissutissanik toqqorsivik aamma toqqorsivigisaq najugaqarfimmi imermik imigassamik, avatangiisinik misissuinernik annertunerusunik, soorlu inigisani radoneqassuseq pillugu nalunaarummik, ingammillu Kalaallit Nunaanni erngup nukissiorfissatut ilippanaataasunik piffissami sivisuumi uuttortaanernit nakkutigisanit paasissutissanik imaqarpoq. Ataqatigiissaarisoq: Dorthe Petersen

Sanaartornermut geoteknikkimullu paasissutissat:  

Asiap Kalaallit Nunaanni tamarmi naalagaaffigisami sanaartornermut geoteknikkimullu paasissutissat suliarineqarsimasut, pisoqaanerpaat 50-ikkunneersut aserfallatsaaliugarai. Suliassanik annertunerusunik, soorlu mittarfinnik umiarsualivinnillu pilersaarusiornermut suliassallu piareersarneranut atatillugu Asiap sanaartornermut geoteknikkimmut paasissutissaatini nutarsartarpai. Suliniutinik siulersuisoq: Martin Nauta 

 

Namminersorlutik Oqartussat akiliuteqarnatik atortussanik pissarsiniarsinnaapput, tassungali atasutut kattuffiit pisinnaanatik. Asiap akit allattorsimaffiat atugarisaq naapertorlugu pissarsiniartunut allanut paasissutissat pilersuutigisarpai. Inuttut, oqarasuaatikkut, e-mailikkut, aammalu Asiap nittartagaatigut saaffiginnittoqarsinnaavoq.