Nunap assingi aamma Geografiskimik paasissutissat

Nunap assingi aamma Geografiskimik paasissutissat

Kalaallit Nunaanni illoqarfiit, nunaqarfiit aammalu nunaannartaq pisortani ingerlatsinermi, ilisimatusarnermi, ingerlatseqatigiiffinni innuttaasunilu atugassiaralugit nalunaarsugaraagut.
Timmisartumit assilisat, nunap assingi aamma geodatat qarasaasiakkut atugassat pappialamiittullu pilersuutigaagut. . 

Nunap assiutigut aamma geodatat, Geografiske Informations Systemer (GIS), NunaGIS, Nunaminertanik nalunaarsuiffik NIN, GIS-imut sakku MapInfo aamma Remote Sensing atornissaannik siunnersuineq, ilinniartitsineq ikiuisarnerlu neqeroorutigaagut.. 

Nunap assingi qarasaasiani atugassiat aamma GIS

Nunap assingi aamma geodatat sumut atorsinnaappat?  

·         Namminersorlutik Oqartussani, kommunini aamma suliffinni nunaminertanik pilersaarusiorneq nunaminertanillu aqutsineq. 

·         Pilersuivittut ingerlatsisuusuni, soorlu Telemi aamma Nukissiorfinni aqqutaasunik nalunaarsuinerit. 

·         Illuliornermik sanaartornermillu suliniutinik piareersaanerit, soorlu aatsitassarsiornermut.  

·         Attaveqarfinnik, assartuivinnik aamma ingerlasussanik piareersaanernik aqutsinernillu aqutaqarneq. 

·         Avatangiisit, silap pissusaata, kulturip aamma oqaluttuarisaanerup iluini ilisimatusarneq. 

·         Takornarianut nunap assingi, silaannarmiinneq, aamma aqqutissanut ilitsersuutit. 

·         Annaassiniarnermik upalungaarsimaneq aamma immakkut angallannermi isumannaallisaaneq.  

Geodata 

Geodata tassaavoq sumiiffimmut aalajangersimasumut imaluunniit immikkoortortamut geografiskiusumut innersuussisutut paasissutissanut taaguutigisaq. Assersuutigalugit geografiskitut naleqqerfiit, najukkat, nalunaarsukkat assingisaalluunniit. Geodatat nunap assingini takutinneqarajupput.  

Geografisk Informations Systemi (GIS-i) tassaavoq sakku makkununnga atorsinnaasaq: :
- Nalunaarsugaqarfinnut nalunaarsuinernut imaluunniit sanaartugaqarnermut paasissutissanik katersuineq.
- Paasissutissat timitamikkut isorartussusianni (takissusaanni, annertussusaanni assingisaannillu), kiisalu piffissap ingerlanerani uuttortaallunilu naatsorsuineq.
- Pinngortitamik, avatangiisinik, kiisalu uumasut inuillu suliaannik nakkutiginninneq aamma misissuineq.
- Paasissutissat katersat aaqqissuunneri, ataqatigiiffiusumut imaluunniit ilutsimut inississorneri.
- Nunap assingi aamma geodatat takutillugillu ilisaritinneri.
- Ilusiliat misissueqqissaarinerillu tunngavigalugit aalajangiisarneq.  

GIS-imut sakku atorlugu, soorlu MapInfomik nammineq Asiap qarasaasiakkut atugassatut paasissutissaataanik suliamik ingerlatseqqissinnaavutit.