Asiap ilisimatuussutsikkut misissuineri saqqummiunneqarput

Asiap ilisimatuussutsikkut misissuineri saqqummiunneqarput

Kalaallit Nunaanni pinngortitap ataqatigiinneranik nakkutiginninnerit (Greenland Ecosystem Monitoring programme, GEM) qanittumi saqqummiunneqarnerani Asiap suliai, ukiumoortumik nalunaarummi 2016-imoortumi, allaatigineqarluarput.

Pinngortitap ataqatigiinneranik nakkutiginninnerit 1996-imi, qallunaat kalaallillu ilisimatusarfii suleqatigiinnerisigut aallartisarneqarpoq. Silaannaap pissusaanik misissuinerit ukiorpassuarni katersat, 2016-inimut misissuinernut nallersuunneqarsimapput.

Asiaq GEM-ip misissuinerisa ilaat ClimateBasis-ip misissuiffii tamaasa akisussaaffigai aammalu Nuup eqqaaniittup misissuiffik ClacioBasis akisussaaffigalugu. Allaatigisat Ukiumut Nalunaarummi 2016-imoortumi, 11-usut akornanni sisamat allaatigisat misissuinitsinnit aallaaveqarput.

Silaannaap kiassusaata allanngoriartornerata pinngortitamullu sunniutaat allaatigineqarpoq. Silaannaap kiatseriasaarujussuarnerata sialuullu qanoq apummik sisoortitsisinnaanera aamma ersersinneqarpoq. Aammalu GEM-imit misissukkat aallaavigalugit qaqqat sermii nunatsinniittut qanoq annikilliartortigineri missingersorneri atuarneqarsinnaapput.

Kangerluarsunnguami masannartuliorujussuarnerata kingorna aputip nunallu sisoornera. Assimik piginnittoq GEM GeoBasis.