Aput Qaaqqusigaangat

Aput Qaaqqusigaangat

Ukioq manna Asiami Steffen Ringsø Nielsen, Arktisk Teknologimi ingeniørinngorniartoq praktikkertorineqarpoq. Taassuma atuarnermini Anlæg & Råstoffer, tassa aatsitassarsiorneq sanaartornerlu immikkut sammisarivai.

Steffen massakkut semesterit arfineq marlussaat ingerlappaa, naammassinissanilu januari 2018-imi naatsorsuutigaa. Steffen-ip projektit soqutiginartut aammalu asimut uuttortaajartortarnerit pinerullugit Asiaq-mi praktikkernissani siunniussimavaa. Qanittumilu Kangerluarsunnguami Asiap uuttortaavianut, aputeqassuseq uuttortariartorpaa.

Ingeniørinngorniarfik Sisimiuniittoq 2001-imili aallartimmat, ukiut tamaasa Asiaq issittumi ingeniørinngorniartunik praktikkertoqartarsimavoq. Praktikkerneq Arktisk Teknologi suleqatigalugu ingerlanneqartarpoq, taamaasilluni praktikkertoq Asiap suliarisartagaanik assigiinngitsunik ilisimasaqarlualertarpoq.

Tamatuma saniatigut Asiaq allaffimmiunngorniamik elektronik fagteknikkerinngorniamillu ilinniartuuteqartarpoq.

Asiaq nunatsinni misissueqqaarnermik ilisimasanik siammarteriviuvoq, ikiuni 60-it sinnerlugit nunatsinni illoqarfinni nunaqarfinnilu assiliornerit, silap pissusaanik, nunamik imeqassutsinillu uuttortaanernik suliaqarpoq.

Steffen misissuiartortoq