Asiap Game of Thrones-imeersumik suleqateqarnera

Asiap Game of Thrones-imeersumik suleqateqarnera

Nikolaj Coster-Waldau

Takuuk:                Nikolaj Coster-Waldau brings Greenland's changing landscape to Street View - YouTube

Asiaq 2014-imili Visit Greenland, Air Greenland aammalu Google suleqatigalugit illoqarfinni nunaqarfinnilu Google Street View Trekker atorlugu assiliortuisimavoq, assiliinermilu assiliivik sammivinnut tamaanut ataatsikkut ingerlaarnermi assiliisartoq atorneqarsimavoq. Internetikkut Streetview iserfigalugu, maanna piumasunit Kalaallit Nunaanni illoqarfiit alakkarneqarsinnaalerput, taamaasillutalu nunarput nittarsaannerulersinnaalerparput. Massakkumut Asiaq kajumissutsiminnik ikiuuttunik assiliortoqateqarluni, illoqarfiit nunaqarfiillu 44-it Kalaallit Nunaanniittut assiliortorsimavai. Aammalu asimi alianaatsut arlallit assiliortorneqarsimapput. (Takuuk Streetview Igaliku).

Streetview marserfiuinnarani aamma allatut atorneqarsinnaavoq: Assersuutigalugu nunarsuatsinni unammilligassanut imaannaanngitsunut, soorlu silaannaap kiatsikkiartorneranut ersersitsisinnaavoq.

Nunatsinnilu silaannaap kiatsikkiartorneranik saqqummersitsilluarsinnaasoq kalaallimik nulialik Nikolaj Coster-Waldau, Hollywood-imi tusaamasoq Games Of Thrones-imilu inuttaasoq, massakkullu FN-imi Goodwill ambasadøriusoq assiliortuinermi ikiuussimavoq.

Asiaq-meersoq immikkut assiliortuinermik ilisimasalik Eva Mätzler kujataanut, Google Street View-ip assiliartassaanut Nicolaj Coster-Waldau-ip assiliortuinerani ikiuukkiartorpoq. Nuannaarutigaarput kujataanit assilisanut silaannaallu kiatsikkiartorneranik takutitsisunut, peqataasinnaanerput. Taamaasillunilu nunarsuarmioqatitsinnut eqqarsalersitsisumik kusanartunik assilisanik takutitsisinnaanerput.


Atassuteqarneq: Kontakt Asiaq: Eva Mätzler, 34 88 83, eva@asiaq.gl