Umiarsuarmit silap pissusaanik uuttortaanerit

Umiarsuarmit silap pissusaanik uuttortaanerit

Suliniummi tassani umiarsuarnit silap pissusaa pillugu paasissutissanik katersisarneq misilerarniarparput paasissutissallu silaannaap kissassusaanut, silaannaap naqitsineranut anorimillu tunngasut tutsuiginartut pissarsiarisinnaalerumallugit paasissutissat tamakkua suliarinissaannut atorsinnaassuseqalersinniarlugillu periutsinik atuutilersitsissalluta. Silasiorfik isumamineersumik ingerlasoq (AWS), umiarsuarnit paasissutissanik silaannarmut tunngasunik katersinissamut immikkut ilusilersugaasimasoq, pisiarineqarsimavoq maannalu ilaasunik angallassissummi Marie Martekimi , Nuup aamma Kapisillit akornanni sapaatip-akunneranut ataasiarluni angalasartumi, maanna atorneqarluni. Paasissutissat tassanngaanneersut ilisimatuussutsikkut atorneqassapput nalilersorneqartassallutillu Nuup Kangerluani ukiup qanoq ilineri aallaavigalugit kiassutsimut, naqitsinermut anorimullu tunngasut  misissorniarlugit. Tamatuma saniatigut paasissutissat umiarsuarmi toqqaannartumik takuneqarsinnaapput taamaalillutillu inuttanut ilaasunullu silamik paasissutissanik toqqaannartumik tunniussaqarsinnaallutik.

Umiarsuarmit Marie Martek-imit silap pissusaanik uuttortaaneq. Asseq: Martek.