”Sila maannakkut” sukkasuumik nukartaarpoq!

”Sila maannakkut” sukkasuumik nukartaarpoq!

sila maannakkut

Sila qanoq innersoq sukkasuumik takuuk – attaveqaat arriikkaluarpalluunniit.

Silap qanoq inneranut nittartagaq nutaaq vejr.asiaq.gl Kalaallit Nunaata sineriaani sumiiffinni 40-t sinneqartuni silap maannakkorpiaq qanoq inneranik takutitsisoq pilersinneqarmalli quppernerup pisariinnerusup sukkanerusullu pilersinnissaa suliarineqarsimavoq, internettimut killilimmik akuttujaamillu attaveqaateqaraluaruilluunniit sila qanoq innersoq aamma maanna malinnaaffigisinnaalerniassagakku. Aaqqiissutissarlu pisariaqartitanik ujartorneqartunik matussusiisinnaasoq maanna inissippoq. Qupperneq uani nassaarisinnaavat: sila.asiaq.gl/simpel

Nittartagaq sapinngisamik pisariitsuutinniarlugu silasiorfinni tamani maannakkorpiaq uuttuinerit tabelitut takutinneqartalerput. Akunnerni kingullerni 24-ni uuttuinerit silarsiorfiillu sumiiffii silasiorfiit toorlugit takuneqarsinnaapput. Paasissutissat annertunerusut pisariaqartikkaanni, soorlu piffissamut ingerlaavartumut tunngasut, paasissutissat, titartagartalersuinerit, kisitsisit appasinnerpaaffii qaffasinnerpaaffiillu, ujaasiffissat silasiorfiillu nunap assingani inissisimaffii, taava ataasiaannarluni toorsinikkut silap nittartagaanut tamakkiisumut nuuttoqarsinnaavoq misissueqqillunilu. Nuannisarluarisi!