Ilisimatusarfik Zackenberg

Ilisimatusarfik Zackenberg

Ilisimatusarfik Zackenberg Danmarkimi nukissiuuteqarnermut aqutsisoqarfimmit Energistyrelsenimit aningaasalersorneqartoq
ZERO, Zackenberg Ecological Research Operation, Kalaallit Nunaanni uuttortaanermik suliamut GEM-imut, Greenland Ecosystem Monitoring, ilaavoq..

ZERO-mut misileraavik 1995-imi pilersinneqarpoq. Ilisimatusarfik ullumikkut Namminersorlutik Oqartussanit/Asiamit pigineqarpoq. Zackenberg Tunup Avannaarsuani, Daneborgimiit 25 km-inik kippasinnerusumi inissisimavoq.

Suliniut annertooq aqqutigalugu silap pissusaata allanngoriartorneri timikkullu avatangiisinut sunniutai kiisalu naasunut uumasunullu nunami immamilu uumasuusunut allanngorarnerit nalunaarsorneqartarput.
ZERO suliniutinik allequtaasunik tallimanik imaqarpoq: KlimaBasis, BioBasis, GeoBasis, GlacioBasis aamma MarinBasis.

Asiaq suliniutip ilaanut KlimaBasisimut, silap pissusaanut tunngasunik imermullu tunngasunik misissuinerusumut, akisussaasuuvoq. Suliniummi tunngavigineqarput uuttortaaviit ukioq kaajallallugu nammineq isumaminnik ingerlasut, tamatumanilu silap pissusaanut tunngasut pingaarnerpaat silap pissusaanut uuttortaavinni napparussuarni marlunni marloqiusamik atortulersukkani imminnullu attuumassuteqanngitsunik innaallagissiuuteqartuni uuttortarneqartarlutik. Taamatut aaqqissuussinikkut paasissutissanik silap pissusaanut tunngasunik ilisimatusarfimmit ukioq kaajallallugu nassiussuisoqarsinnaanera qulakkeerneqarpoq.

Imermut tunngasuni uuttortaavik Zackenbergip kuuani inissinneqarsimavoq kuummilu imeqassutsimik aasaanerani assassorluni immikkut uuttortaasarnikkut ukiup ingerlanerani erngup kuunnerata piffissakkuutaartumik naatsorsornissaanut periarfissiisarpoq. Paasissutissat katersorneqartut tamarmik ukiumut ilivitsumut atatillugu pitsaassutsimik peqqissaarluni nalilersuiffigineqartarput paasissutissanillu katersuiffik database aqqutigalugu pissarsiarineqarsinnaasarlutik.
Zackenbergimi ingerlatat ZERO aqqutigalugu ataqatigiissaarneqarput, suliffeqarfiillu tulliuttuni taaneqartut Asiamit suleqatigineqarlutik:

Zackenbergimi ingerlatat ZERO aqqutigalugu ataqatigiissaarneqarput, suliffeqarfiillu tulliuttuni taaneqartut Asiamit suleqatigineqarlutik:
- Institut for Bioscience, Aarhus Universitet
- Institut for Geografi og Geologi, Københavns Universitet
- De Nationale Geologiske Undersøgelse for Danmark og Grønland (GEUS)
- Pinngortitaleriffik
Ingerlatanik aningaasalersuisut ilaatigut tassaapput:
- Namminersorlutik Oqartussat
- Nukissiuuteqarnermut aqutsisoqarfik, Energistyrelsen
- Avatangiisinut aqutsisoqarfik, Miljøstyrelsen
- Aningaasaateqarfik Aage V. Jensen-fonden

ZERO pillugu paasissutissanik annertunerusunik nassaaarsinnaavutit uani.