Imermik isumalluutinik najoqqutassiorneq

Imermik isumalluutinik najoqqutassiorneq

Suliniummi tassani Kalaallit Nunaanni Ilisimatusarnermut Siunnersuisoqatigiinnit aningaasaliiffigineqartumi Asiaq Danmarks Meteorologiske Institut (DMI) suleqatigalugu DMI-p nunap immikkoortuinut silap pissusaanut tunngasuni najoqqutassiaata HIRHAM5-ip erngup kuunneranut uuttortagai nalilersuiffigissavai Kujataani nunap timaanit sermitaqanngitsunit erngup kuunneranik uuttortaanerit attuumassuteqanngitsut pioreersullu iluaqutigalugit.

Nunap immikkoortuinut silap pissusaanut najoqqutassiat sumiiffinni uuttortaavigineqarsimanngitsuni siunissamilu silap pissusaata qanoq ittuunissaatut naatsorsuutigineqartut pillugit silap pissusaa pillugu paasissutissanik pissarsiniarfissatut atorneqaleraluttuinnarput. Ilisimatusarnermi Kalaallit Nunaanni sammineqartoq pingaartumik sermersuup oqimaassusaata oqimaaqatigiinneranik naatsorsuinermut tunngassuteqarsimavoq. Kalaallit Nunaanni inuiaqatigiinnut atatillugu atuineq pissusissamisoortummik Kalaallit Nunaanni sumiiffinnut sermitaqanngitsunut tunngassuteqarpoq. Inuiaqatigiit eqqarsaatigalugit pilersaarusiornermi atuinermut assersuutissat tassaapput silap pissusaanut naleqqussarnissamut periusissianik suliaqarneq kiisalu imissamaatinik pilersuinermik aamma erngup nukinganik nukissiorfiliassatut periarfissanik nalilersuineq. Silap pissusaanut najoqqutassiat atorneqartillugit eqqoqqissaartumik ilisimasaqarnissaq pingaaruteqarluinnartarpoq, tassa paasisat qanoq annertutigisumik tatigineqarsinnaanerat. Misissuinerni arlalinni sermersuarmit assigiinngitsunillu aakkiartorneq pillugu silap pissusaanut najoqqutassiani pissarsiat uppernarsarneqarnissaat isiginiarneqartarsimavoq. Kalaallit Nunaata sineriaqarfiinit sermimik qallerneqarsimanngitsunit pissarsiat annikinnerusumik isiginiarneqarsimapput. Pingaartumik silap pissusaanut najoqqutassiat nunap timaani sermitaqanngitsuni imermik isumalluutinik siulittuutiginninnerat siusinnerusukkut nalilersuiffigineqarsimanngilaq.

 

Water resources

Sumiiffiit nalilersuinermi atorneqartussat ilaanni erngup kuunneranik uuttortaaneq.