Permafrost

Permafrost

Sermitat immikkuullarissut ”blokgletsjer”-it tassaapput imermut qerisumut attuumassutillit qeriuaannartoqarnermut atassutillit sumiiffinni qaqqaqarfiusumi amerlasuujullutik nassaassaasut. Taakkua ilisarnaatigisarpaat ”qaqqat sivingarnini sermitaqanngitsuni nunap sananeqaataatut qeriuaannartutut sermitaqartutullu arriitsuaqqamik ingerlaartuunertik”. Siornatigut ilisimatusarnerni Kalaallit Nunaanni blokgletsjerit taama ittut silap pissusaanut pingaarutaat ingerlaartarnerallu misissorneqarsimavoq, kisianni Nuup Kangerluanisut kujasitsigisumiittunik misissuinernik suli nassaassaqanngilaq. Nuup eqqaani sermitamik immikkuullarissumik ingerlaartumik nassaassaqarneranut maanna uppernarsaatissaqalerpoq, taamaalillunilu sermitaqarfik taanna maannamut ilimagisamit 250 km-inik kujasinnerusumiilluni.

Suliniut Kalaallit Nunaanni Ilisimatusarnermut Siunnersuisoqatigiinnit tapiiffigineqartoq aqqutigalugu periutsillu nutaaliorfiusut atorlugit (I) Nuup Kangerluani ingerlaartumik blokgletsjereqarnersoq ilumoornersoq ilumuunnginnersorluunniit uppernarsarneqarsinnaalissaaq, (II) taakkut ingerlaartarnerat qulaajarneqassalluni, aamma (III) silap pissusaanik tunngaveqartumik piusinnaanerinut killeqarfigisaannut tunngavissaq Issittup kujasinnerusortaani piusinnaalersitsisoq misissorneqassalluni.

 

Rock glacier

Nuup Kangerluani Qoornup Qeqertarsuani sermitaq, blokglejtsjeri. Timmisartumit assiliaq 28. juli 2015-imeersoq.


Glacier

DigitalGlobe foto, GoogleEarth