Ilisimatusarnikkut suliniutit

Ilisimatusarnikkut suliniutit

Pinngortitami ataqatigiiffiusuni sunniutit pillugit akulerussillunilu piffissami sivisuumi ilisimatusarnikkut suliniummik aammalu Issittumi silap pissusaata allanngornerisa sunniutaannik malugisaqarniarnermik suliaqarfiusumi Greenland Ecosystem Monitoringimi (GEM-imi) Asiaq suleqataasuuvoq.

Silap pissusaanik uuttortaanernik (Nuup qanittuani) Nuuk Basicimi aamma (Tunup Avannaani) Zackenbergimi ilisimatusarnermik uuttortaasarfiusuni Asiaq akisussaaffeqarpoq. Danmarkimi Energistyrelsip Nuup eqqaani suliat aningaasaliiffigai, Zackenbergilli eqqaani Asiap suliaqarneranik Namminersorlutik Oqartussat aningaasaliisuullutik.

Uuttortaasarfinni suliarisat allat Pinngortitaleriffimmit, Aarhus Universitetimit, KĂžbenhavns Universitetimit aamma GEUS-imit isumagineqarput.

Suliniutit taakku saniatigut Asiaq Sermersuup killingata allanngoriartorneranut tunngatillugu suliniummi peqataavoq, tassaavorlu ajornartorsiuteqarfik aamma Sermersuarmit toqqaannartumik kuuttoqarfilittut imissamaateqarfiusut annertussusaannut pingaarutilik.