Teknikkikkut nunap assinga Tunngaviusoq

Teknikkikkut nunap assinga Tunngaviusoq

Teknisk Grundkort  

Kalaallit Nunaanni illoqarfinnut nunaqarfinnullu teknikkikkut nunap assingi tunngaviusut nutarsartarpagut. Nunap assiliorneq annikitsortalersuissutini assigiinngitsuni pisarpoq, eqqorluaaneq 3-10 cm-issuseqarluni.  

Nunap assinginik tunngaviusunik nutarsaasarnerit timmisartumit assilisat ikiorsiullugit pisarpoq, kingornatigut silaannarmit assilisaq uuttortaavigineqartarluni (fotogrammetri), sumiiffimmillu GPS atorlugu uuttortaasoqarluni.  

Tunngaviusumik nunap assingi illoqarfiit nunaqarfiillu attaveqarfiinik, illoqarfinni pisataasunik, teknikkikkut ivertitsikkanik nunallu qaavata ilusaanik, soorlu illunik, illut normuinik, aqquserngit taaguutigisaannik, umiarsualivinnik, mittarfinnik kuunnillu imalinnik annikitsortalersukkanik takussutissiipput.  

Aammalu nunap assingi tunngaviusut nunap ilusaanik annikitsortalersukkanik takussutissanik imaqarput, Digital Terræn Modelimi (DTM-imi) portussutsinik paasissutissat ikiorsiullugit takutinneqartunik.  

Nunap assiliornikkut illoqarfiit nunaqarfiillu qulaallugit timmisartumit assiliisoqartarpoq. Qaqutiguunerusukkut aamma asimi nunaannartamik. Taamaattumik sumiiffiit amerlanerpaat timmisartumit assilisarineri aamma takusinnaavatit.  

Eqqakkat aqqutaannut nunap assingi 

Kalaallit Nunaanni kommuninut eqqakkat aqqutaasa matuinut sulluliaannullu nunap assingi uuttortarlugillu nutarsartarpagut.  

Eqqakkat aqqutaannik uuttortaanerit GPS-ip atorneratigut pisarpoq, nalunaarsuinerlu Kalaallit Nunaannut ilisarnaasikkamik DANVA-p najoqqutarisartagai malittaralugit pisarpoq. Eqqakkat aqqutaannut nunap assingisa illoqarfiit nunaqarfiillu eqqakkat aqquteqarfiinik annikitsortalersukkamik takussutissiivoq, taakkulu immamut kuuffigisaannik takutitsilluni.