Imermik isumalluuteqarfiit

Imermik isumalluuteqarfiit

 

Kalaallit Nunaanni siammasissumik paasillugu imermik isumalluuteqarfiit iluini Asiaq annertuumik misilittagaqarlunilu ilisimasaqartuuvoq.  

Imeqarfiusumi paasissutissanik pisariaqartitsinernik qulaajaaniarninni ikiorsinnaavatsigit, asimi uuttortaasinnaavugut, kiisalu paasissutissanik katersanik misissueqqissaarsinnaalluta, suliniutigisat umiarsualivissami erngup agguaqatigiissitap annertussusaanik nalunaarsuiniarneruppat, aatsitassarsiornermik suliniummi avatangiisinik naliliineruppat, imaluunniit erngup nukissiorfiliorneruppat apeqqutaatinnagit.  

Kalaallit Nunaannit tamarmit imeqarfiusumit uuttortakkatut paasissutissanik piffissami sivisuumi ataqatigiiaanik toqqorsivitsinniititaqarpugut. Immikkoortortamit soqutigisarisannit paasissutissaqareernersugut saaffiginninnissannut tikilluaqqusaavutit. 

Sulisorisagut misilittagartuut iluaqutigalugit Kalaallit Nunaannit tamarmit najugaqarfikkuutaanit annertuumik ilisimasaqarpugut, ilinnut imaluunniit suliffeqarfigisannut iluaqutaasinnaasunik, assersuutigalugu nutaamik imeqarfiusumik uuttortaasarfimmik inissiissaguit. Asiap sumiiffimmi qanoq annertutigisumik imermik pissarsiassaqarnerup paasiniarneranut annertuumik misilittagaqarpoq, assersuutigalugu imermik pilersuinermut imaluunniit erngup nukissiornermut atugassamik.  

Imermik isumalluutaasup annertussusaa imeqarfiusumik uuttortaasarfiit imminnik ingerlatittut aamma erngup aqqutaanik uuttortaanerit ikiorsiullugit aalajangersorneqartarpoq. Imeqarfiusumik uuttortaasarfiit inississornerinik ingerlatarinerillu annertuumik misilittagaqarpugut, soorlulusooq imeqarfiusunut paasissutissanik pitsaassutsimik qularnaarinerit, nalunaarusiornerit misissueqqissaarnerillu illuini paasisimasaqartuulluta.  

Pissutsini suniluunniit uuttortaasinnaasunik atortorissaaruteqarpugut, kuuarannguani koorujussuarnilu. Kalaallit Nunaanni sumiiffippassuarni imermik isumalluutip ilarujussua tassaavoq sumiiffigisani serminit imaluunniit Sermersuarmit aattoqarneranit pisoq. Sermip ingerlaarneranik imaluunniit sermip annertussutsimigut oqimaaqatigiissusaanik uuttortaanermik Asiaq ikiuisinnaavoq.  

Kalaallit Nunaanni maannakkut tatsinut imeqarfiusunut imissarsiorfiusunut pallitsaaliukkatullu nunap assinginik peqareerpoq. Asiami imeqarfiusumik suliallit imissarsiorfiusunik pallitsaaliukkatullu killingisanik annertuumik ilisimasaqartuullutillu paasisimasaqartuupput, taamaattumillu taakkuninnga aalajangersaanermut ikiuisinnaallutik.  

Kalaallit Nunaanni sumiiffinnut amerlasuunut DMI tinittarnermut ulittarnermullu ilusilianik pilersuisarpoq, sumiiffimmulli tinittarnermut ulittarnermullu pissutsit erseqqilluinnartut ilisimanissaat pisariaqartikkukkit Asiap tamatuminnga uuttortaanissamut atortunik inississuinermut ikiorsinnaavaatit, kiisalu agguaqatigiissitamik erngup inissisimaffiinik, tinerujussuartarnernik ulerujussuartarnernillu il.il. aalajangersuinissaq siunertaralugu paasissutissanik misissueqqissaarisinnaalluni.  

Sullississutit:

·         Imeqarfiusumut oqaluttuarisaanermit paasissutissanik pilersuineq  

·         Imeqarfiusumut oqaluttuarisaanermit paasissutissanik misissueqqissaarineq 

·         Uuttortaasarfiit nutaat inississornerini pisariaqartitanik paasiniaaneq 

·         Imeqarfiusumi uuttortaasarfiliorneq, inississuineq ingerlatsinerlu 

·         Imeqarfiusumi uuttortaasarfinnit paasissutissat pitsaassusaannik qularnaarineq nalunaaruteqartarnerlu  

·         Erngup kuuffigisaanik uuttortaanerit  

·         Q/h-mik attaveqarfiusunik suliaqarneq 

·         Imermik isumalluutaasut annertussusaanik naliliinerit  

·         Imissarsiorfiusumik pallitsaaliuinermullu nunap assiliornerit 

·         Tinittarnermik/ulittarnermik uuttortaaneq  

·         Sumiiffimmi aalajangersimasumi tinittartumi/ulittartumi agguaqatigiissitamik erngup inissisimassusaanik aalajangersaaneq 

·         Serminik nakkutilliineq 

Annertunermik paasissutissanut attavigiuk Dorthe Petersen