Silap pissusaa aamma silasiorneq

Silap pissusaa aamma silasiorneq

Mittarfeqarfinnik suleqateqarluni Kalaallit Nunaata kitaata sineriaani silap pissusaanik uuttortaasarfinnik arlalinnik Asiaq ingerlassaqarpoq. Silap pissusaanik uuttortaasarfinni piffissami matumani makkuninnga uuttortaasoqartarpoq:  

·         Silap kissassusia  

·         Silap isugutassusia 

·         Silaannaap naqitsinera 

·         Siallerneq/apineq 

·         Seqinermit qinngornerit sakkortussusaat 

·         Anorip sakkortussusia  

·         Anorip sammivia 

·         UVB (uuttortaasarfinni toqqartukkani)  

Kalaallit Nunaanni uuttortaasarfinnit silap pissusaanik paasissutissat Mittarfeqarfinnik DMI-millu suleqateqarluni silasiornermut nittartakkatsinni takutinneqartuarput: Sila maannakkut

Kalaallit Nunaannit tamarmit silap pissusaanut uuttortakkanik piffissami ataqatigiissunik takisuunik kipisaanngitsunik silap pissusaanik toqqorsivitsinniititaqarpugut. Immikkoortortarpiamut soqutigisarisannut paasissutissanik peqarnersugut paasiniaallutit saaffiginninnissannut tikilluaqqusaavutit. Silap pissusaanut paasissutissaatigut innuttaasunit, ilisimatusartunit, ilinniartunit, sullissisarfinnit, siunnersuinermik suliffeqarfiusumit, pisortani aqutsisoqarfinnit il.il. pissarsiariniarneqartarput. 

Sulisorisagut aalajaatsut pikkorissullu pissutigalugit ilinnut imaluunniit suliffeqarfinnut iluaqutaasinnaasunik Kalaallit Nunaanni tamarmit najugaqarfikkuutaanit annertuumik ilisimasanik peqarpugut, assersuutigalugu nutaamik silap pissusaanik uuttortaasarfimmik inissiinialeruit. Silap pissusaanik uuttortaasarfiit inissitsiternerinik ingerlannerinillu Asiaq annertuumik misilittagaqarpoq, soorlulusooq silap pissusaanut paasissutissanik pitsaassutsimik qularnaarinissap, nalunaarusiornerup misissueqqissaarinerullu iluini paasisimasaqarluartuulluta. Uuttortaasarfinnik nutaanik inississuinernut atatillugu suliffeqarfigisappit pisariaqartitaasa paasiniarnerinik ikiuisinnaavugut, taamaalillutik siunertamut naleqqiullugit silap pissusaanik uuttortagassat eqqortut uuttortarneqartillugit, assersuutigalugit avatangiisinik naliliinermut paasissutissarsiarisat, aamma aatsitassarsiornermik suliniutinik baselinimik misissuinerit, mittarfiliorneq, nuussiffiusuni usinik naliliinerit il.il. 

Sullississutit

·         Maannakkut silap pissusaanik paasissutissanik pilersuineq 

·         Oqaluttuarisaanermi silap pissusaanik paasissutissanik pilersuineq 

·         Silap pissusaanik paasissutissanik misissueqqissaarineq  

·         Uuttortaasarfiit nutaat inississornerini pisariaqartitanik paasiniaaneq  

·         Silap pissusaanik uuttortaasarfiliorneq, inissiineq ingerlataqarnerlu  

·         Silap pissusaanik uuttortaasarfinnit paasissutissat pitsaasussaasa qulaarnaarneri nalunaaruteqarnerillu 

Annertunermik paasisaqarniaruit attavigiuk Dorthe Petersen