Sullississutit

Sullississutit

Asiap tunngaviatigut suliassarisai tassaapput Kalaallit Nunaanni timitalittut (uumassuseqarfiunngitsutut) avatangiisinut tunngatillugu paasissutissanik katersinissaq, toqqortaqarnissaq, misissueqqissaarnissaq ilisimatitsisarnissarlu. Paasissutissaatigut illoqarfinnit, nunaqarfinnit aamma nunaannartap ilaanit nalunaarsuinernit, imermik isumalluutaasut uuttortarnerinit, silap pissusaanik aamma maannakkut silap qanoq-issusianik, kiisalu sanaartornermut teknikkikkut misissueqqaarnernit pisuupput.

Tamakku saniatigut Kalaallit Nunaanni ilisimatusarnerni Asiaq peqataasarpoq.

Asiamut suliassaq pingaarnerusoq tassaavoq inuiaqatigiinnut paasissutissanik tutsuiginartunik pitsaassutsimikkullu isumannaakkanik pilersuinissaq, kiisalu paasissutissat pisariunngitsumik pissarsiaritissinnaanissaat. Ilisimasat tamakku Namminersorlutik Oqartussani atorfilittanut, kommunini ingerlatsisuusunut, kiisalu aatsitassarsiorfiusumit, ingerlatseqatigiiffinnit aammalu Kalaallit Nunaanni inuttaasunit pissarsiniartunit atugassiarissutaasarput.

Asiaq nutaalianik uuttortaanermik atortuuteqarpoq, qarasaasiamilu sulianik immikkoortortaqarfinnik nutaaliaalluinnartunik sukumiisumik atuisuulluni.

Aningaasanut inatsimmit ukiumoortumik aningaasaliissutaasut suliassat sullississutitsinnut katalogitsinni nassuiarneqartunut suliassanik matussusiipput. Taakkununnga ilannguttarput iliuusissami pilersaarummi matumani pilersitsiniarnerit allattorneqarsimasut. Suliassiissutit allat pisortanit namminersortunillu pissarsiniartunit akiliuteqartitsinikkut suliarineqartarput. Aammattaaq Asiaq ineriartortitsinermik ilisimatusarnermullu tunngasunit aningaasaateqarfinnut qinnuteqartarlunilu aningaasanik pissarsisarpoq.

Ydelser