Geo Info

Geo Info

Asiaq nalunaarsuinermik suliassanik suliaqartarpoq, illillu sulliviillu Kalaallit Nunaanni nunap assiliorneq atuinerlu pillugit immikkut ilisimasaminik ikiorsinnaavaatit – CAD-imut GIS-imullu programmitigut, kiisalu Internetikkut.

NunaGIS-ikkut paasissutissaatisi Internetikkut nunap assinginik saqqummersitsinikkut atuutsilersinnaavagut, nunap assinginut paasissutissanut ataqatigiissillugit – aammalu paasissutissat toqqaannartumik internetikkut aaqqissuunneqarnissaannut periarfissaqartillugit.

Kalaallit Nunaata nunap assiliorneranut ilisimasaqarpugut, pigaavullu illoqarfinnut, nunaqarfinnut aamma nunaannartami immikkoortortanut qarasaasiakkut atugassanik nunap assinginik aammalu oqaluttuarisaanermi nunap assingi pisoqaanerit. Taakku Nunap assinginik pisiniarfikkut pisariunngitsumik pissarsiariniarneqarsinnaapput: kortbutik@asiaq.gl attavigiuk imaluunniit oqarasuaatikkut attaveqarlutit: 34 88 00.

Nunap ilarujussui annikitsortalersugaanngitsunik taamaallaat nalunaarsugaapput. Qaammataasanit assilisat, timmisartumit assilisat imaluunniit nunap qaavani nunamik uuttortaasarnerit aqqutigalugit annertussusilikkani tamani nunap assiliornerit Asiap misilittagaqarfigivai, periuserisanillu aningaasaqarnerillu pillugit siunnersuisinnaalluni, kiisalu inaarutaasumik pilersitsinissamik isumaginnissinnaalluni.

Nunap assinginut geodatanullu ikiuisarnerit

·         Mailikkut, oqarasuaatikkut imaluunniit ornigunnikkut ikiuisarneq. 

·         Qarasaasiami atugassianik nunap assinginik, MapInfomik aamma NunaGIS-imik ilinniartitsineq. 

·         Nalunaarsuinermik, qarasaasiami atugassanik nunap assinginik, MapInfomik aamma NunaGIS-imik siunnersuineq. 

·         NunaGIS-imi toqqaannartumik internetikkut paasissutissaatinnik saqqummersitsineq. 

·         Immikkut ittunik nunap assiliornerit, soorlu ataatsimeersuarnernut aaqqissuussaasunullu.  

·         Aatsitassarsiornissamut akuersissutissanut qinnuteqaatinut imaluunniit nunaminertanik atugaqarnissamik qinnuteqaatinut nunap assingi takussutissiat.  

·         Remote Sensingimik qaammataasiakkut timmisartumillu assilisat atorlugit nunap assiliorneq. 

·         Sanaartortoqareerneratigut eqqakkat aqqutaasa matuinik uuttortaanerit.