Ilisimatusarfik NuukBasis

Ilisimatusarfik NuukBasis

Ilisimatusarfik NuukBasis Danmarkimi Nukissiuuteqarnermut Avatangiisinullu aqutsisoqarfinnit aningaasalersorneqartoq NERO, Nuuk Ecological Research Operations, Kalaallit Nunaanni uuttortaanermik suliniummut GEM-imut, Greenland Ecosystem Monitoringimut, ilaavoq.

NERO-mut misileraavik Nuummiit kujammut-kangimut 20 km-inik ungasissusilimmi Kangerluarsunnguup qinnguaniippoq. Suliassaqarfiit akimorlugit suliniummi annertuumi silap pissusaata allanngoriartorneri timikkullu avatangiisinut sunniutai kiisalu naasunut uumasunullu nunami immamilu uumasuusunut allanngorarnerit nalunaarsorneqartarput.

ZERO suliniutinik allequtaasunik tallimanik imaqarpoq: KlimaBasis, BioBasis, GeoBasis aamma MarinBasis.

Asiaq suliniutip ilaanut KlimaBasisimut, silap pissusaanut tunngasunik, erngup kuunneranik sermeqassutsimullu tunngasunik malittarinninnerusumut, akisussaasuuvoq. Suliniummi tunngavigineqarput uuttortaaviit ukioq kaajallallugu isumaminnik ingerlasut, tamatumanilu silap pissusaanut tunngasut pingaarnerpaat silap pissusaanut uuttortaavinni napparussuarni marlunni marloqiusamik atortulersukkani imminnullu attuumassuteqanngitsunik innaallagissiuuteqartuni uuttortarneqartarlutik. Taamatut aaqqissuussinikkut paasissutissanik silap pissusaanut tunngasunik ilisimatusarfimmit ukioq kaajallallugu nassiussuisoqarsinnaanera qulakkeerneqarpoq.

Imermut tunngasunik uuttortaaviit arlalissuit aqqutigalugu imeq sumiiffimmit Kangerluarsunnguamut kuuttoq uuttortarneqarpoq. Taakkua assassorlutik uuttortaanernit tapertaqartinneqarput erngup kuuttup annertussusaanik sukkulluunniit naatsorsuisinnaalersilluta. Kangerluarsunnguami sermitami anginngitsumi oqimaassutsip nukiillu oqimaaqatigiinnerat kiisalu ingerlaarneq aamma misissorneqarput, PROMICE-imi suliniut qanimut suleqatigalugu..

Paasissutissat katersorneqartut tamarmik ukiumut ilivitsumut atatillugu pitsaassutsimik peqqissaarluni nalilersuiffigineqartarput paasissutissanillu katersuiffik database aqqutigalugu pissarsiarineqarsinnaasarlutik..

NuukBasicimi ingerlatat NERO aqqutigalugu ataqatigiissaarneqarput, suliffeqarfiillu tulliuttuni taaneqartut Asiamit suleqatigineqarlutik:

- Pinngortitaleriffik

- Institut for Geografi og Geologi, Københavns Universitet

- Institut for Bioscience, Aarhus Universitet

Ingerlatanik aningaasalersuisut pingaarnerit tassaapput:  

- Nukissiuuteqarnermut aqutsisoqarfik, Energistyrelsen

- Avatangiisinut aqutsisoqarfik, Miljøstyrelsen

- Aningaasaateqarfik Aage V. Jensens fond

NERO pillugu paasissutissanik annertunerusunik nassaarsinnaavutit uani.