Anguniagarisat

Anguniagarisat

Asiap suliariniagai Inatsisartut peqqussutaanni atuarneqarsinnaavoq, Asiallu anguaniagarisaanut taanna aallaaviuvoq, Kalaallit Nunaanni inuiaqatigiinni soqutigisaqaqatigiinnuttaaq naleqqersuunneqartartoq. Siunertaq tassaavoq ukiunut pingasunut Iliuusissatut pilersaarutaasumit sivisunerusumik, soorlu ukiunut arfineq-marlunnut piffissarisami Asiap suliassaqarfiisa iluini ilisimasanik inuiaqatigiinni pisariaqartitsinerit qulaajartuarneqarnissaat. Ullumikkut Asiap anguniagarai:

·         Kalaallit Nunaanni ilisimasaqarfittut siunnersuisarfittullu qitiusoqarfik, aamma innuttaasunut ataasiakkaanut annguttuusoq

·         Kalaallit Nunaanni timitalittut avatangiisinit paasissutissaatinik nunani tamalaani akuerisaasutut paasissutissaateqartuuneq

·         Sulisorisap piginnaasallit, Kalaallit Nunaanni inuiaqatigiinni ilisimasanik siuarsarnermillu nukittorsaasinnaasut

·         Suliniutit arlallit najugaqarfimmit avataaneersunillu suleqateqarfigisat.

Periuserisatut siunnerfiit

Anguniagarisamik piviusunngortitsiniarluni periuserisaq Iliuusissatut pilersaarutip nutarsarneqarnera sioqqullugu ukiut pingasukkaarlugit nutarsarneqartarpoq:

·         Pissarsiniarnermik ilippanaatilinnik suleqatigiinnerup annertusarnera, taamaalilluni Kalaallit Nunaanni inuiaqatigiinni ilisimasavut siuarsarnermut atorsinnaalersillugit

·         Apeqqutini timitalittut avatangiiseq inuiaqatigiinni aningaasaqarnermut pingaaruteqarfiini oqartussat siunnersornissaannut tunngatillugu ujartuinerunissaq

·         Suleqatigisatut kajungernarnerunissaq, aamma danskini sullissisarfinnut soorlu ukununnga: KMS, DMI, GEUS aamma DTU

·         Nunani tamalaani ineriartortitsinermik ilisimatusarnermillu suliniutini pingaarutilinnik ilisimasanik nuussiffiusuni peqataanissatta qularnaarnissaa, geografiskimik paasissutissat, hydrologii aamma silap pissusaata iluini, kiisalu aningaasaateqarfinnit tapiissutinik pissarsiornissaq

·         Asiaq tassaassaaq suliffeqarfik kajungernartoq, akisussaaffigisat inooqatigiinnermilu naleqartitat piujuartitsisuullutik.