Geoteknik Kalaallit Nunaanni

- Geoteknikkip iluani piginnaasatsinnik tammatsaaliueqataallutillu itisileeqataarusuppit?

Sanaartornerup iluani geoteknikkimik suliassat isumaginissaannut Asiaq sulisussarsiorpoq geoteknikkimi suliassanik isumaginninnerup iluani misilittagalimmik.

Suliassatigut

Civilingeniøritut, geologitut imaluunniit sivisunerusumik ilinniagaqarsimavutit imaluunniit geoteknikkip iluani attuumassutilimmik misilittagaqarlutit. Suliassat pingaarneq - namminersuutigalugu suleqatigiinnullu ilaasutut - tassaassaaq sullivimmi avatangiisini suliassatigut ilisimasanik tapersiissuteqarnissaq kiisalu geoteknikkikkut ingeniørgeologiskimillu suliassat pilersaarusiorneqarneranni, ingerlanneqarneranni nalunaarusiarineqarnerannilu peqataasarneq. Suliassat pingaartumik Nuummi inissisimapput, kisianni Kalaallit Nunaata sinnerani piffissami sivikitsumi aamma suliassaqartarsinnaavoq.

Sulisoqatigiinnut nunamik uuttortaanermik geoteknikkimillu ingerlatalinnut, inissianik, aqqusinernik, mittarfinnik, erngup nukinganik nukissiorfinnik il.il. sanaartornermut atatillugu misissueqqaarnernik suliaqartartunut, ilaassaatit. Tamatuma saniatigut sulisoqatigiit Asiami sulisut sinneri peqatigalugit ilisimatusarnermi suliniutinut peqataasarput.

Inuttut

Inuttut kiinneraartuussaatit nalinginnaasumillu timikkut qasujaatsuussallutit. Suleqatitit ilisimasannik avitseqatigisinnaassavatit kiisalu angusanik siunnersuisartunut sanatitsisunullu ingerlatitseqqissinnaassallutit. Allattariarsornikkut oqaluttariarsornikkullu qallunaatut tuluttullu paasinarluartumik saqqummiussisarnermi piginnaaneqarluarnissat piumasaqaataavoq. Sulisussarsiorpugut inummik eqaallisaarsinnaassuseqarluartumik kiisalu suliniutit tunngavigalugit suliassaqarfimmi allanik ajornanngitsumik suleqateqarsinnaasumik.

Akissarsiat atorfinitsitaanerlu pissapput isumaqatigiissutit naapertorlugit. Atorfimmut atatillugu initaartitsisoqassaaq malittarisassat atuuttut malillugit. Ataavartumik ineqalernissamut utaqqinissaq naatsorsuutigisariaqarpoq, kisianni ataavartumik initaartitsisoqarnissaata tungaanut Asiaq inissiamik atugassiissaaq. Atorfininnermi minnerpaamillu ukiuni pingasuni atorfeqareerluni soraarnermi nuunnermut angalanermullu aningaasartuutinik atorfinitsinneqartumut, aappaasumut meeqqanullu angalaqataasunut akiliussisoqassaaq.

Paasissutissanik amerlanernik paasisaqarnissat kissaatigigukku attaveqarfigisinnaavatit Projektleder Martin Nauta imaluunniit Projektchef Henrik Fenger Jeppesen +299 34 88 00 aqqutigalugu.

Qinnuteqaat uunga nassiunneqassaaq:

asiaq@asiaq.gl, imaluunniit uunga: Asiaq, Postboks 1003, 3900 Nuuk, Kalaallit Nunaat.
CV soraarummeersimanermullu uppernarsaatit nuutsinneri ilanngunneqassapput.
Qinnuteqaat ilisarnaaserneqassaaq "Geoteknik".

Qinnuteqarnissamut killigititaasoq tallimanngorneq 23. april. Atorfininneq 1. maj imaluunniit isumaqatigiissuteqarneq malillugu pissaaq.

(Sulisussarsiorneq allagarsiuteqqinneqarpoq qinnuteqartut akornanni piukkunnaatillit amerlanerunissaat kissaatigigatsigu.)