Asiaq Kalaallit Nunaanni silaannaap pissusaa, imermut tunngasut avatangiisillu pillugit paasissutissanik katersisarpoq, suliarinnittarluni ingerlatitseqqiisarlunilu.

Suliaqaqatigiit katitigaanerat

Suliaqaqatigiit tassaapput ingeniørit, geografit ujarassiuullu. Paasissutissanik katersineq Asiami sannavik qanimut suleqatigalugu ingerlanneqartarpoq.

Paasissutissanut toqqorsivik

Paasissutissat ingerlaavartumik pitsaassusersiorneqartarput Asiamilu paasissutissanut toqqorsivimmut toqqorneqartarlutik, Asiaq taamaalilluni Kalaallit Nunaanni silaannaap pissusaanut imeqarnermullu pissutsinut paasissutissanik imalimmik annertuumik toqqorsiveqalersimavoq.

Suliaqaqatigiit suliassaat

Suliaqaqatigiit suliassaat pingaarnerit tassaapput Asiap silaannaap pissusaanut imermullu tunngasuni uuttortaaviinit paasissutissanik katersineq, pitsaassusersiuineq tunniussaqartarnerlu, Imermut Silasiornermullu suliniutini allaaserineqarsimasut naapertorlugit. Tamatuma peqatigisaanik pisortat namminersortullu suliffeqarfiinnut immikkut ittumik suliassat ingerlanneqartarput.

Tamatuma saniatigut ilisimatuussutsikkut suliniutini suleqatitut Asiaq peqataasarpoq, tamakkunanilu Asiami suliassatigut ilisimasat paasissutissaatillu kiisalu angallannikkut/pilersuinikkut teknikkikkullu piginnaasat, Kalaallit Nunaanni paasissutissanik katersisarnermik ukiut 15-init amerlanerit ingerlanerini misilittakkat aqqutigalugit pigineqalersimasut, nunat tamalaat akornanni ilisimatuunit iluaqutigineqarsinnaasarput. Tamakku akornanni taaneqarsinnaapput Qeriuaannartoq pillugu suliniut, NuukBasic aamma Zackenberg.

Suliassanut ataqatigiissaarisoq attaveqarfigiuk Dorthe Petersen