Tunup avannaarsuani Zackenbergimi suliniut 1995-imiilli nunat tamalaat akornanni ilisimatusarnermi iluatsilluartumik ingerlanneqarsimavoq. Taamaattumik suleqatigiit taakkorpiaat Kalaallit Nunaata Kitaata kujasissuani Nuup eqqaani Kangerluarsunnguami 2007-imi Nuuk Basicimik taaguutilimmik assingusumik pilersitsiniarlutik aalajangerput. Nuuk Basic-imik pilersaarummut ilaavoq issittup issinnerusortaaniittumi Zackenbergimi misissuinerit peqatigisaannik issittup issaasannerusortaani silaannaap pissusaanik pinngortitallu ataqatigiinneranik aaqqissuussaasumik misissueqqissaarinissaaq. Issittup issaasannerusortaani misissuiffimmik ilassuteqarnikkut silaannaap pissusaanut sunniutit tamakkulu atitunerusumik tunuliaqutaqarlutik Issittumut sunniutaannik misissueqqissaarinissamut periarfissiisoqarpoq.
 
Nuuk Basic-imik suliniut tallimanik immikkoortortaqarpoq, ilisimatusarfiit arlallit peqataaffigisaannik:

• KlimaBasis – Asiaq
• GeoBasis – Geografisk Institut, Københavns Universitet, aamma Issittumi Avatangiisinut immikkoortortaq, Danmarkimi Avatangiisnik misissuinerit
• MarinBasis – Kalaallit Nunaanni Pinngortitaleriffik
• BioBasis – Issittumi Avatangiisinut Immikkoortortaq, Danmarkimi avatangiisinik misissuinerit aamma Biologisk Institut, Københavns Universitet
• Pilersuineq – Asiaq

Nuuk Basic 2007-p ingerlanerani pilersinniarlugu aallartinneqarpoq.

Ukiormoortumik 2007-mut nalunaarusiaq tuluttooq aana (11 Mb) - saqqaa