Piffissami kingullermi Kalaallit Nunaanni erngup nukinganik nukissiorfiliornissamut periarfissat naalakkersuinikkut sakkortuumik eqqumaffigineqalersimapput. Kalaallit Nunaanni illoqarfinnut innaallagissamik pilersuinissaq kiisalu Kalaallit Nunaanni suliffissuarnik nukissiuutinik atuinertuunik pilersitsinissaq siunertaralugit.
 
Asiaq Kitaani imermut tunngasuni uuttortaavinnik arfineq-pingasunik inerlataqarpoq. Sumiiffiit alaatsinaanneqartut Nukissiorfiit illoqarfinnut nunaqarfinnullu innaallagissamik pilersuinermut akisussaasuusoq isumasioqatigalugu toqqartorneqarsimapput. Asiap sannavia Imermut, Silaannaap pissusaanut Avatangiisinullu tunngasuni suliaqaqatigiit qanimut suleqatigalugit imermut tunngasuni uuttortaavinnik ikkussuillunilu ingerlatsisarpoq. Paasissutissat ukiumoortumik uuttortaavinnut orniguttarnernut atatillugu angerlaanneqartarput, tassanilu pitsaassusersiorneqartarlutik Asiamilu paasissutissanut toqqorsivimmut toqqorneqartarlutik. Imermut tunngasuni paasissutissat paasissutissanut toqqorsivimmeersut innuttaasunit, ilisimatusartunit, ilinniartunit, ingerlatsivinnit suliffeqarfinnillu piniarneqarsinnaapput.
 
Imermut tunngasuni uuttortaavinnit makku nalunaarsorneqartarput:

• Kiassuseq/nillissuseq
• Sialuk/nittaalaq
• Erngup qaffasissusaa/appasissusaa  (erngup ingerlaarnerata naatsorsorneqarneranut tunngaviusartoq)
• Erngup kissassusaa/nillissusaa

Sumiiffinni ataasiakkaani silaannaap pissusaanut tunngasut soorlu anorip sukkassusaa sammivialu, qinngornerit isaasut silaannaallu isugutassusaa nalunaarsorneqartarput.
 
Erngup qaffasissusaanik/appasissusaanik uuttortaanerit erngup ingerlaarneranut paasissutissanngortissinnaajumallugit suliaqaqatigiinni sulisut pisariaqartitsineq malillugu sialuup/nittaallat nakkaavini naleqquttuni erngup ingerlaarneranik uuttortaasarput.
 
Attaveqarfigiuk Dorthe Petersen