1990-ikkut aallartinneranniilli Asiaq Kalaallit Nunaanni illoqarfiit ilarpassuini silasiorfinnik ikkussuillunilu ingerlatsisimavoq. Silasiorfiit Asiami sannavimmit ikkussuunneqartarput ingerlanneqartarlutillu Imermut, Silaannaap pissusaanut Avatangiisinullu tunngasuni suliaqaqatigiit qanimut suleqatigalugit. Ukiuni kingulliunerusuni uuttortaanerit pillugit Kalaallit Nunaanni Mittarfeqarfiit (GLV) Asiamit suleqatigineqarsimapput, uuttortaaviit ataatsimoortinnerisigut sipaarutissanik angusaqartoqarsinnaaqqullugu.
 
Maannakkorpiaq Kalaallit Nunaanni illoqarfinnit nunaqarfinnillu 22-nit silaannaap pissusaanut atatillugu paasissutissanik Asiaq katersisarpoq. Silaannaap pissusaanut paasissutissat silasiorfinniit modemit aqqutigalugit Asiamut nassiunneqartarput, tassanilu pitsaassusersiorneqartarlutik Asiallu paasissutissanut toqqorsivianut toqqorneqartarlutik. Silaannaap pissusaanut paasissutissat paasissutissanut toqqorsivimmeersut innuttaasunit, ilisimatusartunit, ilinniartunit, ingerlatsivinnit suliffeqarfinnillu piniarneqarsinnaapput. Silasiorfinnit makku nalunaarsorneqartarput:

• Kiassuseq/nillissuseq
• Silaannaap isugutassusaa
• Sialuk/nittaalaq
• Qinngornerit isaasut naatsunik maligaasartallit
• Silaannaap naqitsinera
• Anorip sukkassusaa
• Anorip sammivia

Taamatuttaaq sumiiffinni ataasiakkaanik UVB-mik qinngornerit nalunaarsorneqartarput.

Silaannaap pissusaanut paasissutissat nutaanerpaat ”live”-mik oqarasuaatikkut Asiap sila pillugu oqarasuaataatigut (348845) kiisalu internettikkut Asiap nittartagaa silamut tunngasoq aqqutigalugit pissarsiarineqarsinnaapput.

Attaveqarfigiuk Per Hangaard