Kalaallit Nunaanni ukiuni 40-nit amerlanerni avatangiisinik misissuisarnerit Asiamit ingerlateqqinneqarput. Piffissap ingerlanerani nunap assinginik, misissueqqaarnernik nalunaarusianik imermullu tunngasuni nalunaarusianik Kalaallit Nunaanni illoqarfinni nunaqarfinnilu tamakkulu eqqaannittuni pissutsinut tunngasunik toqqorsiverujussuaateqalersimavugut. Tamatuma saniatigut Asiaq silaannaap pissusaanut atatillugu paasissutissarpassuarnik toqqortaatinik tammatsaaliuisuuvoq. 

Sanaartukkatigut teknikkikkut misissueqqaarinerit nalunaarusiallu

Asiaq Kalaallit Nunaanni misissueqqaarnerit 1955-imiilli ingerlanneqarsimasut pillugit atortussarpassuarnik toqqorsivimmik isumaginnittuuvoq. Taamatuttaaq misissuinerit pillugit nalunaarusiat suliffeqarfinnit allanit ingerlanneqqarsimasut toqqorsivimmiittuutigineqarput.
 
Nunap sananeqaataa pillugu teknikkikkut nalunaarusiat nalinginnaasumik sanaartugassatut pilersaarutit teknikkimut tunngasortaat sioqqullugit suliarineqartarput. Nalunaarusiat makkuninnga imaqartarput:

• suliassaq pineqartoq pillugu naatsumik allaaserisaq
• sumiiffik tikillugu misissuinerit pillugit kinaassusersiortuunngitsumik nassuiaat
• sananeqaatinut tunngasunik ingeniøritut nalilersuinerit – nalinginnaasumik toqqaviliorfissamut tunngasut – suliassamut atatillugu
• bilaginut tunngasoq assersuutigalugu qillerinerit paasissutissartaannik, misissueqqissaarisarfimmi nalilersuinernik, naleqqersuinermi paasisanik, kiassutsimik uuttortaanernik teknikkikkut paasissutissanik imaqarsinnaasoq

Attaveqarfigiuk Martin Nauta.

Qillerinernut paasissutissanik toqqorsivik

Asiami qillerinernut paasissutissanik toqqorsivik nunap naqqanik misissuinernik 30.000-it missaanniittunik 1955-ip missaaniit ullumikkumut nuna tamakkerlugu illoqarfinni nunaqarfinnilu ingerlanneqarsimasunik imaqarpoq.
 
Nunap naqqanik misissuinerit ima ingerlanneqarsimasinnaapput:

• qallugassanik qillerinerit
• ikiariissiternernik paasiniaalluni qillerinerit
• kaavitittakkat atorlugit misissuinerit
• suluusallit atorlugit uuttortaanerit
• maskiinat atorlugit misissuinerit
• misiliilluni assaanerit

Nunap naqqanik misissuinermit ilisarnaat assersuutigalugu makku pillugit paasissutissanik imaqarsinnaavoq:

• ikiariissiternerit katitigaanerat
• nunap ataani qaarsuiup itissusaa
• nunap iluani pissutsit aalasinnaasut

Nunap naqqanik misissuinernit paasisat pappialanngorlugit toqqortarineqartarput Asiamillu piniarlugit inniminnerneqarsinnaallutik.

Attaveqarfigiuk Martin Nauta.

Silaannaap pissusaa pillugu paasissutissat

Asiaq nuna tamakkerlugu illoqarfinni uuttortaavinnit silap pissusaa pillugu paasissutissanik katersisarpoq. Uuttortakkat nutaanerpaat silasiorneq pillugu nittartakkami pissarsiarineqarsinnaapput. Tassani ilaatigut Kalaallit Nunaanni illoqarfinni kiassuseq/nillissuseq, anori nillissutsillu amermut sunniutaa malinnaaffigisinnaavatit. Tamatuma saniatigut sila pillugu paasissutissat Asiami sila pillugu oqarasuaat 34 88 45 aqqutigalugu tusarnaarneqarsinnaapput.
 
Illoqarfinni uuttortaavinni makku uuttortarneqartarput:

• silaannaap kiassusaa/nillissusaa
• silaannaap naqitsinera
• anorip agguaqatigiissillugu sukkassusaa
• anorip agguaqatigiissitsinikkut sammivia
• anorip sakkortunerpaaffia
• anorip sakkortunerpaaffiata sammivia
• silaannaap isugutassusaa
• qinngornerit naatsunik maligaasartallit
• sialuk/nittaalaq ataatsimut katitaq
• UVB-mik qinngornerit

Attaveqarfigiuk Dorthe Petersen

Imermut tunngasuni paasissutissat

Ullumikkut Asiap imermut tunngasuni uuttortaavii Kalaallit Nunaanni sumiiffinnut arlalinnut inissitsiterneqarsimapput. Imermut tunngasuni uuttortaavinni makku nalinginnaasumik uuttortarneqartarput:

• erngup qaffasissusaa/appasissusaa
• erngup kissassusaa
• silaannaap kissassusaa
• sialuk/nittaalaq

Tamatumunnga tapertaasumik sumiiffinni ataasiakkaani nunap kissasussaa, qinngornerit,  silaannaap isugutassusaa, anorip sukkassusaa anorillu sammivia uuttorneqartarput. Teknikerit silasiorfinnut ornigunnerini erngup ingerlaarnera aamma pisariaqartitsineq malillugu uuttorneqartarpoq. Taamaalilluni erngup ingerlaarnera ingerlaavartoq erngup qaffasissusaata erngullu ingerlaarnerata akornanni pissutsit malillugit uuttortarneqarsinnaasarpoq.

Tamatuma saniatigut Kalaallit Nunaanni sumiiffinni assigiinngitsuni uuttortaavippassuarnit maanna atorunnaarsimasunit paasissutissarpassuarnik Asiaq pigisaqarpoq. 
 
Attaveqarfigiuk Dorthe Petersen.

Nunap assinginut toqqorsivik

Asiaq Kalaallit Nunaanni illoqarfinnu nunaqarfinnullu kiisalu nunamut ammaannartumut nunap assiuterpassuaqarpoq pappialamut naqitanik. Tamakku digitalinngorlugit skannikkatut pisiarineqarsinnaapput. Nunap assinginut toqqortaatinut takussutissiaq F-nøgle-mik taaneqartarpoq pdf-filitullu aamma aaneqarsinnaalluni. Malugiuk nunap assingi immikkoortortalersugaammata angininngorlugit pineqarsinnaasunik, tamakku takussutissartaat perusukkaanni ataani atsiortoq attaveqarfigineqarsinnaavoq. Pigisat akornanni taaneqarsinnaapput illoqarfinnut nunap assingi, sumiiffinnut pilersaarutit, timmisartumit assilisat, nunap assingi klasse 1, nunap assingi nunap ilusaanik titartaavigineqarsimasut, nunap assingi tunngaviusut, nunap timaata assingi allarpassuillu.

Attaveqarfigiuk Kortbutikken