Asiami aaqqissuussaaneq

Aaqqissuussaanerup qanoq ilusilersugaaneranut takussutissiami siunertarineqarpoq ulluinnarni sulianut atatillugu paasiuminassusermik annertunerusumik pilersitsinissaq, naak ulluinnarni atuuffiit paasiuminaakulunnerusarsinnaagaluartut.

Asiaq suliffeqarfiuvoq nutaaliaasoq siaangasumik suliniutinut sammivilimmik aaqqissuussaanertalik. Tamatumani siunertarineqartoq ilaatigut tassaavoq sulisut ataasiakkaat suliassatigut attuumassuteqarfeqarnissaat, tamatumalu peqatigisaani suliassaqarfiit akimorlugit suliniutinut peqataanissamut periarfissaqarnissaat. Suliaqaqatigiikkuutaat amerlajaanik sulisoqarmata ilisimasanik aamma katersisoqarsinnaavoq taamatuttaarlu sulisut ataasiakkaat najuunnissaannik suliaqaqatigiikkutaat isumalluuteqarpallaassanatik.

Suliaqaqatigiiaat tamarmik immikkut (ukiumoortumik) suliniutitut ingerlasarput suliniutinut aqutsisumit, suliaqaqatigiiaani sulisunik allaffissornikkullu aqunneqarnerannik isumaginnittumit, siulersorneqarlutik. Asiaq aamma arlalinnik sulianut immikkut ilisimasalittaqarput (ataqatigiissaarisunik), suliassatigut tunniussatta pitsaassusaannik qulakkerinnittartunik.

Suliassaqarfiit akimorlugit suliniut nassuiarneqarluarsimasumik aallartinneqarlunilu naggaserneqartarpoq. Suliniummut aqutsisumit siulersorneqartarpoq, piffissani isumaqatigiissuteqarfiusuni sulisunik suliaqaqatigiiaaneersunik atukkiussisartumit. Tamatuma saniatigut suleqateqartoqartarpoq avataaneersunik.

Suliassaqarfiit akimorlugit suliniutit eqqumaffigineqarluartarput ulluinnarni saqqumilaarunnaarsinneqaqqunagit.

Sulisut ataasiakkaat malittarisassatut pingaarnertut taamaallaat suliniutini marlunni – pingasuni suliaqartinneqartarput.