Asiaq suliassat immikkuullarissut ingerlannissaannut sulisut piginnaasaannik assigiinngitsorpassuarnik suliassaqarfiit akimorlugit suleqatigiiaanik katiterinissamut atuisarpoq. Suliassaqarfiit akimorlugit suliniutit tamakku Asiami ingerlatanut nikerartunut kisiannili ingerlatat tamarmiusut ilarpassuarisaannut ilaasarput, tassaallutillu suliffeqarfiup iluani suliniutit suliniutillu suleqatit avataaneersut peqatigalugit ingerlanneqartartut. Matuma ataani suliassaqarfiit akimorlugit suliniutit ingerlanneqartut allaaserineqarput suliniutinillu naammassineqareersunit nalunaarusiat aaneqarsinnaapput.