Asiaq pillugu paasissutissat

Asiaq Namminersorlutik Oqartussat, NO, aamma Attaveqarnermut Avatangiisinullu Naalakkersuisoqarfik, ataani suliffeqarfiuvoq namminersortitaq.

Qullersaqarfik		Sannavik peqqumaasivillu

Asiaq Kalaallit Nunaat tamakkerlugu avatangiisit timitallit iluanni ingerlatanik suliaqartarpoq. Kaaviiaartitavut 25 mio. kr. missaanniipput taakkunannga ¾-t NO-mit aningaasaliissutaallutik sinnerilu suliassatut imissutinit aningaasaateqarfinnit pisuullutik. Sulisut 32-t missaanniipput, amerlanerpaat pinngortitami ilisimatusaatinik ilinniagaqarsimasutut tunuliaqutaqarlutik.

Asiaq makkunani suliassanik isumaginnittarpoq; nunap assiliorneq, nunap immikkoortuinut tunngasuni paasissutissaliorneq, imermut tunngasut, silap pissusaa, avatangiisit kiisalu nunamik uuttortaaneq aamma geoteknik. Sannavitsinnit Kalaallit Nunaat tamakkerlugu silasiorfippassuit ataqatigiiaat aserfallatsaalineqartarput.

Asiaq paasissutissanik pingaarutilinnik Kalaallit Nunaannit tamaneersunik katersisarpoq. Paasissutissat tamakku ilarpassui 1950-ikkut tikillugit pisuupput. Asiaq taamaalilluni tamatumani paasissutissanik katersisartuullunilu paasissutissanik katersaateqartuuvoq. NO-mit aningaasaliissutit paasissutissat ilisimasatsinnut siunnersuisarnitsinnullu qitiusut katersorneqarnissaannut, pitsaassutsikkut qulakkeerneqarnissaannut ataavartussanngortinneqarnissaannullu atorneqartarput. Tamatuma saniatigut suliassat attuumassutillit NO-mut sullitanullu allanut ingerlanneqarnissaannik Asiaq neqerooruteqartarpoq. Suliassat tamakku akiligassanngortinneqartarput.

Nalunaarusiaq 2007

Takorluukkat

NO-mit, sulisunit piffissamilu sammineqarlualersunit immersorneqaatit malillugit Asiaq periuserisaminik ingerlaavartumik naleqqussaasarpoq. Tamanna ukiunut tulliuttunut pingasunut takorluukkani ersersinneqartarpoq. Takorluukkat imaakkallarput:

• Kalaallit Nunaanni ilisimasanut siunnersuisarnermullu qitiusoqarfik nuimasoq
• Kalaallit Nunaannit Issittumillu paasissutissat tunngavigalugu nunat tamalaat akornanni nittarsaanneqarneq

Misissueqqissaarnernut pisortamut saaffiginnigit Keld Hornbech Svendsen